Էրդողանը վերադարձել է 1982 թվականից գործող հիմնական օրենքը թարմացնելու խնդրին։ Նրա խոսքով, մի քանի նախկին սահմանադրություններ «գրվել են հովանավորների թելադրանքով և պարտադրվել ժողովրդին»։
Թուրքիային անհրաժեշտ է նոր սահմանադրություն, երկիրը չի կարող առաջ շարժվել ներկայիս փաստաթղթով, հայտարարել է նախագահ Ռեջեփ Թայիփ Էրդողանը «Ուժեղ Թուրքիա» սիմպոզիումի իր ելույթում։
«Եթե 1921-ի և 1924-ի սահմանադրությունները բացառվեն, բոլոր հետագա սահմանադրությունները գրվել են հովանավորների թելադրանքով և ստիպել ընդունվել ժողովրդի կողմից», – ասել է նախագահը, հաղորդում է TRT Haber-ը:
Նրա խոսքով, անհրաժեշտ է «ազատվել» գործող սահմանադրությունից, որը ստեղծվել է 1980 թվականի ռազմական հեղաշրջման արդյունքում։
Էրդողանն ասել է, որ նորացված սահմանադրությունը պետք է «ստեղծվի քաղաքացիական անձանց կողմից, ներառական և ազատական»։
Թուրքիայի Սահմանադրության փոփոխություններն ընդունվում են խորհրդարանի կողմից։ Փոփոխությունը հաստատելու համար անհրաժեշտ է պատգամավորների ձայների 3/5-ը։
Էրդողանն առաջին անգամը չէ, որ առաջարկում է փոխել երկրի հիմնական օրենքը, և նա կրկին կոչ է արել բոլոր քաղաքական ուժերին ակտիվորեն մասնակցել այդ աշխատանքներին։ Էրդողանը խոստացել է փոխել հանրապետության սահմանադրությունը 2023 թվականի նախագահական ընտրությունների ժամանակ։
Թուրքիայի գործող սահմանադրությունը վերջին անգամ փոխվել է 2017 թվականին։ Այն ժամանակ Էրդողանին հաջողվեց ուղղումներ կատարել, որից հետո ամբողջ իշխանությունը վարչապետից անցավ երկրի նախագահին։ Սա Էրդողանին (երկու ժամկետով վարչապետ) թույլ տվեց նախագահական ընտրություններ անցկացնել և հաղթել վարչական ռեսուրսի և ընդդիմությանը ճնշելու շնորհիվ։
Էրդողանը չի ասել, թե ինչպես պետք է փոխել սահմանադրությունը, սակայն նշել է, որ Արդարություն և զարգացում կուսակցությունը իշխանությունը հանձնելու մտադրություն չունի։
