Ֆրանսիական Պոլինեզիայի խորհրդարանի և իշխող «Տավինի» կուսակցության պատվիրակությունը ժամանել է Բաքու։
Միլի Մեջլիսի աղբյուրները հայտնել են, որ ներկայացուցիչները կքննարկեն Ադրբեջանի և Ֆրանսիական Պոլինեզիայի միջև միջխորհրդարանական համագործակցությունը և այլ ոլորտներում համագործակցության հարցեր։ Նախատեսվում են հանդիպումներ Միլի Մեջլիսում և երկրի այլ պետական մարմիններում։
Այցի շրջանակներում կանցկացվի համաժողով «Ֆրանսիական Պոլինեզիայի ապագաղութացման իրավունքը. մարտահրավերներ և հեռանկարներ» թեմայով։
Ուղևորությունը տեղի է ունեցել Բաքվի նախաձեռնող խմբի հրավերով, որն ակտիվ է 21-րդ դարում գաղութատիրության դեմ պայքարի ոլորտում։
Հիշեցնենք, որ այն բանից հետո, երբ Փարիզը բացահայտ հայամետ դիրքորոշում որդեգրեց և Ադրբեջանին մեղադրեց ղարաբաղցի հայերի իրավունքները ոտնահարելու մեջ, Բաքվում հիշեցին Կալեդոնիայի և Պոլինեզիայի ճնշված ժողովուրդներին։ Մինչ այդ Բաքուն չէր հետաքրքրվում Ադրբեջանից 15 հազար կիլոմետր հեռավորության վրա գտնվող գաղութային ռեժիմից տուժած «դժբախտների» ճակատագրով։
* Ֆրանսիական Պոլինեզիան կղզիների խումբ է Հարավային Խաղաղ օվկիանոսում։ Նրա ընդհանուր տարածքը 4167 քառակուսի կիլոմետր է (նախկին Լեռնային Ղարաբաղի տարածքից պակաս), բնակչությունը՝ 300 հազարից պակաս մարդ։ Վարչական կենտրոնը Թաիթի կղզու Պապեետե քաղաքն է (1 հազար քառակուսի կիլոմետր)։
Կառավարվում է Ֆրանսիայի Գերագույն հանձնակատարի կողմից։ Տեղական իշխանություններն են Նախարարների խորհուրդը և տարածքային ժողովը:
