Ժողովրդական ճակատ կուսակցության ակտիվիստ Էլնուր Հասանովը վերսկսել է հացադուլը ՔԿՀ-ում։ Այս մասին նա ասել է մայիսի 30-ին Խաթայի շրջանային դատարանում՝ շրջանային դատախազության դեմ իր բողոքի քննարկման ժամանակ։
Բողոքը ներկայացվել է դատախազության կողմից քրեական գործ հարուցելուց հրաժարվելու պատճառով այն հայտարարության հիման վրա, որ Հասանովը բերման ենթարկվելուց հետո ոստիկանությունում խոշտանգումների է ենթարկվել։
Փաստաբան Նեմաթ Քարիմլին Turan-ին ասել է, որ Հասանովը դեմ է համաներում չտրամադրելու նախագահի հրամանագրին և պահանջում է ազատ արձակել։
Խաթայի շրջանային դատարանը չի բավարարել ակտիվիստի բողոքը։
Փաստաբանի խոսքով՝ Հասանովը շատ վատ տեսք ուներ ու հյուծված էր։
Ապրիլին Հասանովը 8 օր չոր հացադուլ հայտարարեց և դադարեցրեց հացադուլը այն խոստումներից հետո, որ իր գործը օբյեկտիվորեն կքննվի Բաքվի ծանր հանցագործությունների դատարանում։
Փաստաբանը նշեց, որ Հասանովի գործով դատարանի հաջորդ նիստը տեղի կունենա մայիսի 31-ին։
* Էլնուր Հասանովը ձերբակալվել է 2023 թվականի նոյեմբերի 28-ին՝ թմրամիջոցների ապօրինի շրջանառության մեղադրանքով (Քրեական օրենսգրքի 234.4.3 հոդված)։ Ակտիվիստը գտնում է, որ իր ձերբակալության իրական պատճառը Ճանապարհային ոստիկանության ղեկավարության գործողությունների քննադատությունն է։ Հասանովը հացադուլ է հայտարարել ապրիլի 18-ին, իսկ հացադուլը դադարեցրել է ապրիլի 25-ին։
