Ռիգայում կայացել է Ադրբեջանի և Լատվիայի միջև ռազմավարական երկխոսության երրորդ հանդիպումը։
Հանդիպմանը ադրբեջանական պատվիրակությունը գլխավորել է փոխարտգործնախարար Ֆարիզ Ռզաևը, իսկ Լատվիայի պատվիրակությունը՝ արտաքին գործերի նախարարության պետքարտուղարի տեղակալ, քաղաքական տնօրեն Անյես Վիլումսոնսը։
Ադրբեջանի արտաքին գործերի նախարարության մամուլի ծառայությունը հայտնել է, որ հանդիպման ընթացքում քննարկվել են ավանդական բարեկամության և փոխվստահության վրա հիմնված երկու երկրների միջև ռազմավարական գործընկերությունը և դրա ամրապնդման հնարավորությունները, ներառյալ քաղաքական համագործակցության ներկա վիճակը և զարգացման հեռանկարները։ Քննարկվել են տնտեսական, տրանսպորտային և հումանիտար ոլորտները։
Քննարկման առանցքում են եղել նաև միջազգային օրակարգի փոխադարձ հետաքրքրություն ներկայացնող հարցերը, բազմակողմ ձևաչափերում համագործակցության ընդլայնման թեմաները։
Բացի այդ, քննարկվել է տարածաշրջանային իրավիճակը։ Լատվիական կողմին զեկուցվել է տարածաշրջանում կայուն խաղաղության հաստատման ուղղությամբ Ադրբեջանի ձեռնարկած քայլերի մասին։ Բացի այդ, մտքեր են փոխանակվել օկուպացիայից ազատված մեր տարածքներում ականների խնդրի, այնտեղ իրականացվող վերականգնման և շինարարական աշխատանքների և այդ առումով Լատվիայի հետ համագործակցության հնարավորությունների շուրջ։
