Ռուսաստանի կառավարությունը «ապատեղեկատվություն է օգտագործում Եվրոպայում և ամբողջ աշխարհում սուտ և լուրեր տարածելու համար», երեքշաբթի հայտարարել է Պետդեպարտամենտը:
Ճեպազրույցում, ի պատասխան Turan-ի հարցին Եվրոպայում այս շաբաթավերջին կայանալիք ընտրություններին ընդառաջ ռուսական ապատեղեկատվության աճի մասին, մամուլի քարտուղար Մեթյու Միլլերն ասել է, որ Միացյալ Նահանգները «չափազանց անհանգստացած է» ռուսական ապատեղեկատվությամբ։
«Դա բանակցությունների կարևոր թեմա էր անցյալ շաբաթ Պրահայում ՆԱՏՕ-ի արտգործնախարարների հանդիպմանը, պետքարտուղարը բարձրացրեց այս հարցը և լսեց, որ մեր եվրոպացի գործընկերները նույնպես լուրջ մտահոգություններ ունեն», – ավելացրեց նա։
«Մենք տեսել ենք, թե ինչպես է Ռուսաստանի կառավարությունը ապատեղեկատվությունն օգտագործել սեփական ժողովրդի, Եվրոպայում և ամբողջ աշխարհում սուտ և լուրեր տարածելու համար: Եվ մենք մեր գործընկերների հետ քննարկում ենք, թե ինչպես լավագույնս արձագանքել դրան»,- ասել է Միլլերը։
Ռուսական ապատեղեկատվության մասին հարցին ի պատասխան, թե ԱՄՆ-ն իբր պատրաստվում է «նոր Մայդան կազմակերպել» խորհրդարանական ընտրություններին ընդառաջ, Միլլերն ասել է, որ դա Կրեմլի կողմից ապատեղեկատվության քարոզարշավի ևս մեկ օրինակ է։
«Այն, ինչ դուք տեսաք Վրաստանում վերջին մի քանի շաբաթվա ընթացքում, վրաց ժողովուրդն է արտահայտում իր կամքը և բողոքում վրացական կառավարության կողմից ընդունված ռուսամետ օրենքի դեմ։ Սա ԱՄՆ-ի հետ կապ չունի, սա Վրաստանի ժողովրդի դիրքորոշումն է։
Որոշ ժամանակ առաջ ՌԴ փոխարտգործնախարար Միխայիլ Գալուզինը հայտարարել էր, որ Վրաստանում «օտարերկրյա գործակալների մասին» օրենքի ընդունումից հետո երկրում լարվածության ֆոնին Արևմուտքը «հնարավոր է ծրագրում է տապալել իշխանությունը Վրաստանում»։
