Ստորագրվել են Ադրբեջանի և Եգիպտոսի փաստաթղթերը

Այսօր Կահիրեում Ադրբեջանի և Եգիպտոսի նախագահներ Իլհամ Ալիևի և Աբդուլ Ֆաթահ աս-Սիսիի բանակցություններն ավարտվել են երկկողմ համաձայնագրերի փաթեթի ստորագրմամբ։

Փոխըմբռնման հուշագրեր հիմնականում ստորագրվել են երիտասարդության և սպորտի, էներգետիկայի, էկոնոմիկայի և տրանսպորտի նախարարությունների միջև։

Բացի այդ, Բաքվի քաղաքային գործադիր իշխանության և Կահիրեի նահանգապետարանի միջև ստորագրվել է բարեկամության և համագործակցության մասին հուշագիր։

Ադրբեջանի Հանրապետության արտահանման և ներդրումների խթանման գործակալության (AZPROMO) և Եգիպտոսի Արաբական Հանրապետության կապիտալի և ազատ գոտիների գլխավոր մարմնի (GAFI) միջև ստորագրվել է 2024-2025 թվականների գործողությունների համատեղ ծրագիր:

Ստորագրվել է նաև ԱՀ էկոնոմիկայի նախարարության և Եգիպտոսի Արաբական Հանրապետության նավթի և հանքային պաշարների նախարարության միջև համագործակցության մտադրության արձանագրություն։