Abzas Media-ի գլխավոր խմբագիր Սեւինջ Վագիֆքիզին, ով կալանավորված է Բաքվի թիվ 1 կալանավայրում, երեկ հեռախոսով մորն ասել է, որ ականատես է եղել, թե ինչպես են պահակները սպառնում երկու կին բանտարկյալներին, իսկ հետո նրանց մենախցում են նստեցնում։
Վագիֆգիզիի խոսքով՝ բանտարկյալներին երեք ժամ ձեռնաշղթաներով պահել են խցում։ Լրագրողը նշել է, որ դա արվել է կալանավայրի պետի տեղակալների հրամանով։ Բացի այդ, Մահիր անունով հսկիչը սպառնացել է, որ դուստրերի մազերից քարշ կտա, եթե նրանք բողոքեն կալանավայրի աշխատակիցներից։ Այս պահին հեռախոսազրույցն ընդհատվել է։
Լրագրողի մայրը՝ Օֆելյա Մահարրամովան, անհանգստացած է, որ իր դստեր վրա նույնպես ճնշումներ կգործադրեն նախնական մեկուսարանում բանտարկյալների նկատմամբ բռնության փաստերի բացահայտման պատճառով։
Քրեակատարողական ծառայությունից, սակայն, հերքել են այն տեղեկությունը, թե երկու կին բանտարկյալներին տեղափոխել են տուգանային խուց և դաժան վերաբերմունքի են արժանացել։ «Ոչ միայն վերջին օրերին, այլեւ վերջին 1 տարվա ընթացքում ռեժիմի կանոնները խախտելու համար կանանց պատժասենյակ տեղափոխելու փաստեր չեն արձանագրվել։ Բաքվի նախնական կալանքի կենտրոնում պահվող անձանց անձնական անվտանգությունն ապահովված է, նրանց իրավունքներն ու օրինական շահերը պաշտպանված են, նրանք չեն ենթարկվում ճնշումների, խոշտանգումների և անմարդկային վերաբերմունքի աշխատակազմի և այլ կալանավորների կողմից։ Տեղական և միջազգային իրավապահ կազմակերպությունների կողմից իրականացված հանկարծակի ստուգումների և մոնիթորինգի ժամանակ նման դեպքեր չեն արձանագրվել»,- ասված է Քրեակատարողական ծառայության հարցման պատասխանում։
