Բրյուսելում կայացել է ՆԱՏՕ+Ադրբեջան մշտական ներկայացուցիչների կոմիտեի նիստը։ Հանդիպմանը մասնակցել է Ադրբեջանի նախագահի արտաքին քաղաքականության հարցերով օգնական Հիքմաթ Հաջիևը։ Այս մասին X սոցիալական ցանցում գրել է ՆԱՏՕ-ում Ադրբեջանի ներկայացուցիչ Ջաֆար Հուսեյնզադեն։
Ըստ աղբյուրի, Հաջիևը արդյունավետ քննարկումներ է անցկացրել ՆԱՏՕ-Ադրբեջան գործընկերության ներկա իրավիճակի և հեռանկարների, տարածաշրջանային համակարգման և էներգետիկ անվտանգության ոլորտում Ադրբեջանի դերի, COP29-ի նախապատրաստման, ինչպես նաև Հայաստանի հետ հարաբերությունների կարգավորման գործընթացի շուրջ։
