Հունիսի 12-ին՝ ժամը 10:05-ից մինչև 17:50-ը, Հայաստանի զինված ուժերի ստորաբաժանումները հրետանային զինատեսակներից մի քանի անգամ կրակել են Շարուրի շրջանի Հավուշ, Օրդուբադի շրջանի Նուրգութ և Գյունեյ Գիշլաքի ուղղությամբ տեղակայված ադրբեջանական բանակի դիրքերի ուղղությամբ։ ՊՆ-ի տարածած հաղորդագրության մեջ նշված է, որ ադրբեջանական բանակի ստորաբաժանումները ձեռնարկել են պատասխան միջոցառումներ։
Նախիջեւանի սահմանին հնչած կրակոցների մասին հայկական կողմը տեղեկություն չի հրապարակել։
Նշենք, որ սա սահմանին վերջին ամիսների ընթացքում առաջին կրակոցն է։