Հայաստանի արտգործնախարար Արարատ Միրզոյանը երեքշաբթի հեռախոսազրույց է ունեցել Թուրքիայի արտգործնախարար Հաքան Ֆիդանի հետ։
Քննարկվել են երկու երկրների միջև կարգավորման գործընթացը, ինչպես նաև իրավիճակը տարածաշրջանում։
Նույն օրը Ադրբեջանի արտգործնախարար Ջեյհուն Բայրամովը Բաքվում ընդունել է ադրբեջանա-հայկական հարաբերությունների կարգավորման հարցերով ՌԴ ԱԳՆ հատուկ ներկայացուցիչ Իգոր Խովաևին։
ԱԳՆ-ի տրամադրած տեղեկատվության համաձայն՝ հանդիպմանը քննարկվել են ադրբեջանա-ռուսական հարաբերությունները, Ադրբեջանի և Հայաստանի միջև խաղաղ գործընթացի ներկա իրավիճակը և հեռանկարները։
Բայրամովը նշել է, որ Հայաստանի սահմանադրությամբ և այլ օրենսդրական ակտերով Ադրբեջանի տարածքային ամբողջականության վերաբերյալ պնդումները հանդիսանում են կարգավորման գործընթացի հիմնական խոչընդոտը։
