Երկուշաբթի օրը Միացյալ Նահանգները հաստատել է իր աջակցությունը ՆԱՏՕ-ին անդամակցելու Ուկրաինայի դիմումին։ Դաշինքը պատրաստ է Կիևի համար «կամուրջ» առաջարկել Վաշինգտոնում կայանալիք գագաթնաժողովում, հայտնում է Վաշինգտոնում Turan-ի թղթակիցը։
«Մենք կարծում ենք, որ Ուկրաինայի համար բացվել է կարճ և անխոչընդոտ ճանապարհ»,- ճեպազրույցում ասել է պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենը։
«Մեր դիրքորոշումը շատ հստակ է. Ինչպես ասել է նախագահ Բայդենը, Ուկրաինան պետք է որոշ բարեփոխումներ կատարի, որպեսզի պատրաստ լինի դառնալ ՆԱՏՕ-ի մաս։ Մենք հավատում ենք, որ Ուկրաինան կիրականացնի այդ բարեփոխումները»,- շարունակեց նա։
Խոսելով ճակատում տիրող իրավիճակի մասին՝ Օ՛Բրայենն ասել է, որ իրավիճակը «էականորեն փոխվել է» վերջին շաբաթներին, և ժամանակը «Ուկրաինայի կողմն է, ոչ թե Ռուսաստանի»։
Ռուսաստանը ստիպված եղավ նահանջել ամերիկյան օգնության ժամանելուց հետո՝ նվազեցնելով իր հարձակման հաջողությունը, նշել է Օ’Բրայենը։
Ճի՞շտ է, որ ԱՄՆ-ը թույլ է տալիս ռուսական տարածքում առավելագույնը 100 կմ խորության վրա ամերիկյան զենք օգտագործել։ Turan-ի թղթակցի այս հարցին Օ՛Բրայենը դրական պատասխան է տվել.
«Մենք փորձում ենք պատասխանել ուկրաինացիների անվտանգությանն ուղղված ուղղակի սպառնալիքներին։ Մենք տեսնում ենք, որ անհրաժեշտ է հարձակվել այն թիրախների վրա, որոնք սպառնում են Ուկրաինայի անվտանգությանը։ Մենք կարծում ենք, որ սա տվյալ տիրույթում է: Այս ռազմավարությունը հերքում է Մոսկվայի բոլոր հայտարարությունները, թե ԱՄՆ-ն փորձում է սաստկացնել պատերազմը»,- ասել է նա։