Բաքվում ներկայացվել է «Լեոնարդո» ռազմական ինքնաթիռը

Այսօր Բաքվի միջազգային օդանավակայանում Ադրբեջանի նախագահ Իլհամ Ալիևին է ներկայացվել իտալական «Լեոնարդո» ընկերության արտադրած C-27j Spartan ռազմատրանսպորտային ինքնաթիռը։

Երկրի ղեկավարի կայքը հայտնել է, որ միջոցառմանը մասնակցել են Իտալիայի պաշտպանության նախարար Գիդո Կրոզետտոն, արտաքին գործերի և միջազգային համագործակցության փոխնախարար Էդմոնդո Չիրիելին, «Լեոնարդո» ընկերության նախագահ Ստեֆանո Պոնտեկորվոն։

Միջոցառման մանրամասները կհաղորդվեն ավելի ուշ, ասվում է պաշտոնական հաղորդագրության մեջ։