Հունիսի 27-ին Ադրբեջանի նախագահ Իլհամ Ալիևն ընդունել է Ասիական զարգացման բանկի (ԱԶԲ) ղեկավար Մասացուգու Ասակավային։
Երկրի ղեկավարի կայքի հաղորդմամբ՝ Ալիևն իր երախտագիտությունն է հայտնել բանկի կողմից Ադրբեջանի տնտեսության այն ոլորտների զարգացմանն աջակցելու համար, որոնք կարևոր են ինչպես մեր երկրի, այնպես էլ տարածաշրջանային համագործակցության համար։
Երկրի ղեկավարը բարձր է գնահատել Ասիական զարգացման բանկի միանշանակ աջակցությունն այս հարցում, երբ եվրոպական ֆինանսական կառույցների կողմից ադրբեջանական բնական գազի փոխադրման նախագծերի ֆինանսական հետաձգումներ եղան։
«Մինչ Ադրբեջանը գազ է մատակարարում Եվրոպային, եվրոպական բանկերը ֆինանսավորում տրամադրելու պատրաստակամություն չեն ցուցաբերել, սակայն Ասիական զարգացման բանկը դա արել է», – ասել է Ալիևը։
Նրա խոսքով, նա ընդգծել է նոր ուղղությունների սահմանման կարևորությունը՝ Ասիական զարգացման բանկի հետ առկա արդյունավետ համագործակցությունը շարունակելու համար՝ կապված մերձկասպյան երկրների և այլ տարածաշրջանների հետ տնտեսական ամուր կապի հաստատման հետ։
Ասակավան հույս է հայտնել, որ Ասիական զարգացման բանկի և Ադրբեջանի համագործակցությունը հաջողությամբ կշարունակվի ապագայում Ադրբեջանի առջև ծառացած ռազմավարական առաջնահերթությունների իրագործման ուղղությամբ։
Զրույցի ընթացքում արծարծվել են կանաչ էներգիայի արտադրության և արտահանման հարցեր։
Բացի այդ, արծարծվել են Հյուսիս-Հարավ երկաթուղու նախագծին առնչվող համագործակցության հարցեր, մտքեր են փոխանակվել տրանսպորտի ոլորտում Կենտրոնական Ասիայի երկրների և Ադրբեջանի միջև հարաբերությունների հետագա ընդլայնման շուրջ։
