Վաշինգտոնը Մերձավոր միջանցքը համարում է կարևոր քայլ ողջ տարածաշրջանի համար, հունիսի 28-ին Բաքվում կայացած ճեպազրույցում ասել է Եվրոպայի և Եվրասիայի հարցերով ԱՄՆ պետքարտուղարի օգնական Ջեյմս Օ՛Բրայենը։
«Մենք կարծում ենք, որ Միջին միջանցքը կարեւոր քայլ է ողջ տարածաշրջանի համար։ Կենտրոնական Ասիայի երկրները միջազգային շուկաներ են արտահանում Ռուսաստանի և Չինաստանի միջոցով։ Բայց հիմա մենք տեսնում ենք, որ նրանք դա կարող են անել Կասպից ծովով։ Այս ճանապարհը կարող է անցնել Վրաստանի, Հայաստանի և Թուրքիայի տարածքով։ Այս հնարավորությունից օգտվելը թույլ կտա նվազեցնել տրանսպորտային ծախսերը, ինչպես նաև ապահովել անվտանգ այլընտրանքներ աշխարհաքաղաքական միջամտությունից։ Տաջիկստանից մինչև Թուրքիա բոլոր ազգերը կշահեն այս միջանցքի բացումից։ Մենք կարծում ենք, որ դա պետք է արվի բոլոր շահագրգիռ կողմերի համաձայնությամբ, և գիտենք, որ դա սկսվում է Հայաստանի և Ադրբեջանի միջև փոխըմբռնումից»,- ասաց նա։
Ըստ Օ’Բրայենի, Համաշխարհային բանկը, Վերակառուցման և զարգացման եվրոպական բանկը, Եվրոպական ներդրումային բանկը, ինչպես նաև ԱՄՆ ֆինանսական կորպորացիաները կարող են շահագրգռված լինել Միջին միջանցքի ենթակառուցվածքի ավարտի ֆինանսավորմամբ:
