Ադրբեջանում թանկացել են EU-92 բենզինի, դիզվառելիքի, մետրոյի և ավտոբուսի ուղեվարձը։
Այս առնչությամբ այսօր՝ հունիսի 30-ին, հրապարակվել է Թվային զարգացման և տրանսպորտի նախարարության Սակագնային խորհրդի և կոլեգիայի որոշումը։
AI-92 բենզինի մանրածախ գինը բարձրացվել է 10 կոպեկով՝ մեկ լիտրի դիմաց 1,10 մանաթ, իսկ դիզելային վառելիքը թանկացել է 20 կոպեկով՝ հասնելով 1 մանաթի մեկ լիտրի դիմաց։ Խորհուրդը երկրում բարձրացման որոշումը բացատրում է «ԵՎՐՈ-5 ստանդարտին լիովին համապատասխան արտադրվող դիզվառելիքի և ԵՄ-92 բենզինի ինքնարժեքի բարձրացմամբ»։
Սպասվում է, որ հուլիսի 15-ից AI-95 բենզինի 1 լիտրի գինը կնվազի 40 կոպեկով՝ հասնելով 1,60 մանաթի։
Մետրոյում ուղեվարձը թանկացել է 10 կոպեկով
Բացի այդ, հաստատվել է մետրոյում ուղևորափոխադրումների սպասարկման սակագինը` մեկ ուղևորության համար 10 կոպեկով հասցնելով 50 կոպեկի։
Ներքաղաքային (ներշրջանային) ավտոբուսային կանոնավոր երթուղիներում ուղեւորափոխադրումների ծառայությունների սակագների վերին շեմը սահմանվել է 50 կոպեկ՝ անկախ հեռավորությունից։ Մինչ այդ այս գինը 40 կոպեկ էր։
Միևնույն ժամանակ, բարձրացել են նաև երկրի ներսում քաղաքային և միջքաղաքային ավտոբուսային կանոնավոր երթուղիներով ուղեւորափոխադրումների ուղեվարձերը։ Օրինակ՝ Բաքու-Սումգայիթ ավտոբուսի գինը 60 կոպեկից դարձել է 70 կոպեկ։
Ազատության ռադիո
