Հուլիսի 2-ին Ադրբեջանի բանակի գլխավոր շտաբի պետ Քարիմ Վալիևը հանդիպել է Բրունսումում ՆԱՏՕ-ի միացյալ ուժերի հրամանատարության շտաբի պետի տեղակալ Ստեֆան Ֆիկսին, ով այցով գտնվում էր Ադրբեջանում։
ՊՆ մամուլի ծառայությունից հայտնել են, որ հանդիպման ընթացքում նշվել է ՆԱՏՕ-ի հետ Ադրբեջանի հարաբերությունների «բարձր մակարդակը»։
Նշվել է, որ Ադրբեջանի և ՆԱՏՕ-ի համագործակցությունը կշարունակվի փոխշահավետ լինել։
Նշելով, որ Հյուսիսատլանտյան դաշինքը մեծ ներդրում է ունեցել ՆԱՏՕ-ի օպերատիվ հնարավորությունների հայեցակարգի շրջանակներում մեր ստորաբաժանումների պատրաստման գործում, Վալիևն ընդգծել է, որ դա բարձր է գնահատվում։
Ֆիքսն իր հերթին նշել է, որ գոհ է Ադրբեջան կատարած այցից և ընդգծել Ադրբեջանի հետ փոխադարձ հարաբերությունների հետագա զարգացման կարևորությունը։
Նշվել է, որ դրական է գնահատվել ադրբեջանական բանակի զինծառայողների մասնագիտական գործունեությունը խաղաղապահ առաքելություններում, ինչպես նաև ՆԱՏՕ-ի հետ գործընկերության շրջանակներում այլ ոլորտներում։
Հանդիպման ընթացքում մտքերի լայն փոխանակություն է ծավալվել փոխադարձ հետաքրքրություն ներկայացնող այլ հարցերի շուրջ։
