Ադրբեջանի նախագահ Իլհամ Ալիևն այսօր ժամանել է Աստանա՝ մասնակցելու Շանհայի համագործակցության կազմակերպության (ՇՀԿ) գագաթնաժողովին։
Գագաթնաժողովին, որը նախատեսվում է անցկացնել «ՇՀԿ+» ձևաչափով, կմասնակցեն 16 երկրների պետությունների և կառավարությունների ղեկավարներ։
ՇՀԿ-ն հիմնադրվել է Շանհայում 2001 թվականին Ղազախստանի, Չինաստանի, Ղրղզստանի, Ռուսաստանի, Ուզբեկստանի և Տաջիկստանի կողմից: Ներկայումս ՇՀԿ-ի անդամ են 9 երկրներ (Ղազախստան, Չինաստան, Ռուսաստան, Ղրղզստան, Ուզբեկստան, Տաջիկստան, Պակիստան, Հնդկաստան, Իրան), և ևս 3 երկիր (Աֆղանստան, Մոնղոլիա, Բելառուս) դիտորդի կարգավիճակ ունեն։ Բացի այդ, երկխոսության գործընկերների կարգավիճակ ունեն 14 երկրներ, այդ թվում՝ Ադրբեջանը, Թուրքիան, Արաբական Միացյալ Էմիրությունները, Բահրեյնը, Հայաստանը, Եգիպտոսը, Կամբոջան, Կատարը, Քուվեյթը, Մալդիվները, Մյանմարը, Նեպալը, Սաուդյան Արաբիան և Շրի Լանկան։
Նշենք, որ սա Ադրբեջանի պետության ղեկավարի երկրորդ մասնակցությունն է ՇՀԿ գագաթնաժողովին։
Ավելի վաղ Ալիևը մասնակցել է 2022 թվականի սեպտեմբերի 16-ին Սամարղանդում ՇՀԿ գագաթնաժողովին։
