Ադրբեջանցին դարձավ Իրանի նախագահ

Իրանում հուլիսի 5-ին կայացած նախագահական ընտրությունների երկրորդ փուլում հաղթել է Միլի Մեջլիսի պատգամավոր, ազգությամբ ադրբեջանցի Մասուդ Փեզեշկյանը։ Նա հավաքել է 16 384 403 միավոր

ձայն, նրա մրցակիցը՝ Այաթոլլահ Խամենեիի Ազգային անվտանգության բարձրագույն խորհրդում ներկայացուցիչ Սաիդ Ջալիլին հավաքել է 13 մլն 538 հազար 179 ձայն։ Ընտրություններին մասնակցել է ընտրողների 49,8 տոկոսը։

Մասուդ Պեզեշկյանը 69 տարեկան է։ Նա Մեջլիսի պատգամավոր է 2008 թվականից՝ 16 տարի զբաղեցրել է նաև փոխխոսնակի պաշտոնը։ Նա 2021 թվականին կայանալիք նախագահական ընտրություններին մասնակցելու հայտ է ներկայացրել, սակայն թույլ չեն տվել։ Որպես սրտի վիրաբույժ՝ նա հինգ տարի ղեկավարել է Թավրիզի բժշկական գիտությունների համալսարանը՝ իր քաղաքական կարիերայից առաջ։ Նա քաղաքականություն է մտել 2000-ականների սկզբին՝ 2001-2005 թվականներին եղել է առողջապահության նախարար նախագահ Մոհամմադ Խաթամիի օրոք (1997-2005 թթ.):

Նոր նախագահը երբեք չի թաքցրել իր ազգային ծագումը և պաշտպանել է՝ հարգելով ադրբեջանցիների մշակութային իրավունքները։