Հուլիսի 10-ին անկախ լրագրող Սամիրա Ալիեւան կանչվել է Բաքվի քաղաքային ոստիկանության բաժին։ «Թոփլում TV»-ի գործով 4 ժամ որպես վկա հարցաքննվելուց հետո ազատ է արձակվել։
«Մանրամասները չեմ կարող հայտնել՝ ելնելով հետաքննության գաղտնիքը չբացահայտելու պարտավորությունից։ Ինձ վրա հոգեկան կամ ֆիզիկական ճնշում չի եղել»,- ասել է Ալիեւան։
Նշենք, որ անցած տարեվերջից Ադրբեջանում տասնյակ լրագրողներ ու ակտիվիստներ են հարցաքննվել «Թոփլում» հեռուստաընկերության և «Աբզաս մեդիայի» գործերով։
Այս դեպքերի առնչությամբ ձերբակալվել է 14 մարդ, եւս երկու հոգի ենթարկվել է ոստիկանության կալանքի։
