ԵԱՀԿ ողջ տարածաշրջանում ԶԼՄ-ների ազատության և առողջ տեղեկատվական տարածքի երաշխավորման անհնարինությունը գնալով ավելի է հիասթափեցնում և մարդկանց զրկում ընտրության իրավունքից, ասել է ԶԼՄ-ների ազատության հարցերով ԵԱՀԿ ներկայացուցիչ Թերեզա Ռիբեյրոն՝ ԵԱՀԿ մասնակից երկրներին ուղղված իր ուղերձում։ հուլիսի 13-ին։
Մշտական խորհրդին ներկայացնելով կիսամյակային զեկույցը՝ Ռիբեյրոն ընդգծել է, որ զանգվածային լրատվության միջոցների նկատմամբ ճնշումներն ավելանում են, և որ դրանք կործանարար ազդեցություն են ունենում ԵԱՀԿ ողջ տարածաշրջանում ժողովրդավարության և անվտանգության սկզբունքների վրա, և կոչ է արել պետություններին ակտիվացնել ջանքերը՝ ուղղված պաշտպանել լրատվամիջոցների ազատությունը՝ հանուն խաղաղության և անվտանգության։
«Մենք հիմա պետք է պաշտպանենք լրատվամիջոցների ազատությունը։ Հուսահատության կամ անգործության ժամանակ չկա։ Որակյալ զանգվածային լրատվության միջոցները և հանրային հետաքրքրություն ներկայացնող տեղեկատվությունը անհրաժեշտ են կայունության ամրապնդման, մարդկանց իրավունքների և հնարավորությունների ընդլայնման և ժողովրդավարության պաշտպանության համար»:
2023 թվականի նոյեմբերից սկսվող ժամանակաշրջանն ընդգրկող իր զեկույցում Ռիբեյրոն ուշադրություն է հրավիրել լրատվամիջոցների անվտանգության և ազատության սպառնալիքների աճի վրա։
«Լրատվամիջոցների ազատությունը դեմ չէ մեր անվտանգությանը, դա դրա անբաժանելի մասն է։ Անվտանգության այսօրվա մարտահրավերների համատեքստում մարդու հիմնական իրավունքների և ազատությունների նկատմամբ սահմանափակող մոտեցումները մտահոգիչ են՝ արտացոլելով օրենքի գերակայության էրոզիան և ավտորիտարիզմի աճը: Մարդու իրավունքների անտեսումը միշտ անհեռատես մոտեցում է, որն ինքնին դառնում է անվտանգության խնդիր»։
Մյուս մարտահրավերը սոցիալական ցանցերն են, որտեղ խոշոր տեխնոլոգիական ընկերությունները փորձում են փոխարինել ավանդական լրատվամիջոցներին և ժողովրդավարական արժեքներին:
«Առողջ տեղեկատվական տարածքները՝ հիմնված հանրային շահերի վրա, անհրաժեշտ են լրատվամիջոցների ազատությունը երաշխավորելու, բաց բանավեճեր ապահովելու, իշխանություն ունեցողներին վերահսկելու և օրենքի գերակայության վրա հիմնված ժողովրդավարություններին աջակցելու համար»,- ասել է Ռիբեյրոն։
Զեկույցում նշվում է, որ Ադրբեջանում նույնպես ոտնահարվում են ԶԼՄ-ների և լրագրողների ազատությունները։ Մասնավորապես, խոսվում է կեղծ մեղադրանքներով լրագրողների բազմաթիվ ձերբակալությունների, նրանց ընտանիքի անդամների նկատմամբ հետապնդումների, ազատության մեջ գտնվողներին սպառնալիքների և մամուլի ազատությունն ու անվտանգությունը երաշխավորելու պարտավորությունները չկատարելուց իշխանությունների կողմից։
ԵԱՀԿ մամուլի ազատության հարցերով ներկայացուցիչ Թերեզա Ռիբեյրոյի զեկույցը. https://www.osce.org/representative-on-freedom-of-media/570798
