Օգոստոսի 1-ին Անկարայի օդանավակայանում տեղի ունեցավ Մոսկվայի և Վաշինգտոնի հարաբերությունների պատմության մեջ գերիների ամենախոշոր փոխանակումը. 24 բանտարկյալներ փոխանակվեցին։ Ռուսական կողմը ԱՄՆ-ին է հանձնել 16 հոգու (այդ խմբում ընդգրկված են ԱՄՆ քաղաքացիներ, երկքաղաքացիություն ունեցող անձինք և ռուսներ)։
Ամերիկացիները Ռուսաստանին են հանձնել 8 հոգու (բոլորը Ռուսաստանի Դաշնության քաղաքացիներ)։
Փոխանակմանը մասնակցել են այլ երկրներ, այդ թվում՝ Գերմանիան (Վադիմ Կրասիկովը տրվել է Ռուսաստանին), ինչպես նաև Բելառուսը (գերմանական Ռիկո Կրիգերը տրվել է Գերմանիային)։
Ռուսաստանից ազատվածների թվում են ամերիկացիներ Էվան Գերշկովիչը և Փոլ Ուելանը, ինչպես նաև հայտնի ռուս այլախոհներ Վլադիմիր Կարա-Մուրզան և Իլյա Յաշինը։
Ըստ որոշ տեղեկությունների՝ ազատ է արձակվել նաեւ «Սվոբոդա» ռադիոյի լրագրող Ալսու Կուրմաշեւան։
