Սեպտեմբերի 21-ին Ադրբեջանի Սահմանադրական դատարանը հաստատել է սեպտեմբերի 1-ին կայացած Միլլի Մեջլիսի արտահերթ ընտրությունների արդյունքները։
Սահմանադրական դատարանից Ֆարհադ Աբդուլաևն ասել է, որ որոշիչ ձայնի իրավունք ունեցող դատարանի 18 անդամներից յուրաքանչյուրը ստորագրել է որոշումը։
Նախագահը նշեց, որ ԿԸՀ ամփոփիչ արձանագրությունը և դրան կից փաստաթղթերը համապատասխանում են Ընտրական օրենսգրքի պահանջներին։
Միլի Մեջլիսի ընտրություններն անցկացվել են 125 ընտրատարածքներում և 6478 ընտրատեղամասերում։ Ընտրություններում 125 պատգամավորական մանդատի համար պայքարել է 990 թեկնածու։
Ընտրությունների արդյունքներով խորհրդարանում ներկայացված կլինի 11 քաղաքական կուսակցություն։ «Նոր Ադրբեջան» կուսակցությունը խորհրդարանում ներկայացված կլինի 68 պատգամավորով։ Մյուս քաղաքական կուսակցությունները՝ «Քաղաքացիական համերաշխություն» կուսակցություն 3, «Արդարություն», «Իրավունք», «Ժողովրդավարություն» կուսակցություն 2, 8 կուսակցություններից յուրաքանչյուրը ներկայացված է լինելու 1 պատգամավորով։
Թեեւ մնացած 44 պատգամավորները որեւէ կուսակցության անդամ չեն, սակայն հայտնի են իրենց իշխանամետ դիրքորոշումներով։
