Իրանում Ադրբեջանի դեսպան Ալի Ալիզադեն երկկողմ իրավական հարցերի շուրջ քննարկումներ է անցկացրել այս երկրի արտաքին գործերի նախարարության միջազգային իրավական հարցերի բաժնի ղեկավար Սեյիդ Ալի Մուսավիի հետ։
Այս մասին տեղեկություն է տարածել Ադրբեջանի դիվանագիտական ներկայացուցչության մամուլի ծառայությունը։
«Իրանում Ադրբեջանի դեսպան Ալի Ալիզադեն հանդիպել է այս երկրի արտաքին գործերի նախարարության միջազգային իրավական հարցերի դեպարտամենտի ղեկավար Սեյիդ Ալի Մուսավիի հետ և քննարկել երկկողմ իրավական հարցերի շուրջ»,- ասվում է դեսպանատան սոցցանցում։
Նշենք, որ վերջերս Ադրբեջանի իշխանությանը մոտ կանգնած լրատվամիջոցները տեղեկություն էին հրապարակել, որ Իրանում Ադրբեջանի դեսպանատան վրա հարձակում գործած Իրանի քաղաքացու նկատմամբ այս երկրի դատարանի կողմից կայացված մահապատժի դատավճիռը դեռ չի կատարվել, ինչն առաջացրել է Բաքվում դժգոհությունը։ .
