Ադրբեջանում ԱՄՆ դեսպան Մարկ Լիբբին այսօր այցելել է Շեհիդների ծառուղի և ծաղկեպսակ դրել Ղարաբաղյան Առաջին և Երկրորդ պատերազմների զոհերի հիշատակին կանգնեցված «Հավերժական ջահը» հուշարձանին։
«Այսօր մենք հարգում ենք Ադրբեջանի և Հայաստանի միջև տասնամյակներ շարունակվող հակամարտության ընթացքում իրենց կյանքը կորցրած ադրբեջանցիների հիշատակը։ Միացյալ Նահանգները հավատարիմ է մնում Հարավային Կովկասում խաղաղության, հաշտեցման և կայունության հաստատմանը: Մենք շարունակում ենք աջակցել մարդասիրական օգնությանը, ականազերծմանը և տարածաշրջանի բոլոր ժողովուրդների բարօրության համար կայուն և արժանապատիվ խաղաղության համաձայնագրի հասնելու ջանքերին»,- ասել է ԱՄՆ դեսպան Մարկ Լիբբին։
