Սեպտեմբերին Կարմիր Խաչի միջազգային կոմիտեի (ԿԽՄԿ) աշխատակիցները կրկին այցելել են հայկական ծագում ունեցող անձանց, որոնց մասին հայտնել է ադրբեջանական կողմը։
Այս մասին Turan գործակալությանը հայտնել են ԿԽՄԿ-ի Բաքվի ներկայացուցչությունից։
Նշվել է, որ ձերբակալվածների հետ եղել են անհատական հանդիպումներ և պայմաններ ստեղծվել նրանց ընտանիքների հետ շփման համար։
«ԿԽՄԿ-ն իր մանդատի համաձայն գնահատում է նման այցելությունների ընթացքում կալանավորված անձանց վերաբերմունքը և պահման պայմանները։ ԿԽՄԿ-ն նաև պայմաններ է ապահովում անհատների համար՝ վերականգնելու կամ շարունակելու իրենց կապերն իրենց ընտանիքների հետ: ԿԽՄԿ-ի ընթացակարգերին համապատասխան՝ այցերի հետ կապված դիտարկումներն ու առաջարկությունները կիսվում և քննարկվում են միայն կալանավորված կողմի հետ»,- ասված է հաղորդագրությունում։