«Վիդադի Իսկանդերլիի բռնի սպանությունը պետք է արդյունավետ և օպերատիվ հետաքննվի։ Մենք կոչ ենք անում Ֆրանսիայի իշխանություններին դիտարկել սպանության բոլոր հնարավոր դրդապատճառները, ներառյալ Ադրբեջանի նախագահի և կառավարության քննադատությունը, ինչը հանգեցրել է նրա արտագաղթի։ Այս զազրելի հանցագործությունը պետք է հրատապ հետաքննվի, և ցանկացած ոք, ով կասկածվում է այս հանցագործության մեջ, պետք է պատասխանատվության ենթարկվի արդար դատական հետաքննության ընթացքում»: Այս մասին ասված է «Amnesty International»-ի Հարավային Կովկասի հարցերով ներկայացուցիչ Նատալյա Նոզաձեի հայտարարության մեջ։
«Վերջին տարիներին սա երկրորդ դեպքն է, երբ Ֆրանսիայում աքսորավայրում ապրող ադրբեջանցին դանակով վիրավորվում է։ Ֆրանսիայի կառավարությունը պետք է ապահովի վտանգի մեջ գտնվող և իր տարածքում միջազգային պաշտպանություն փնտրող անձանց արդյունավետ պաշտպանությունը։ «Ամբողջ աշխարհը պետք է իմանա, թե ով է պատասխանատու ֆրանսիական հողի վրա ադրբեջանցի ներգաղթյալների դեմ կատարված այս հարձակումների համար, և ինչ քայլեր են ձեռնարկվում ապագայում նման միջադեպերը կանխելու համար»,- ասել է նա։
