ՌԴ Անվտանգության դաշնային ծառայության տնօրեն Բորտնիկովի մեկնաբանությունները Հայաստանում Եվրամիության դիտորդական առաքելության վերաբերյալ, որը զբաղվում է Ռուսաստանի և Իրանի դեմ հետախուզությամբ, «բացարձակ անհեթեթություն, սուտ և մանիպուլյացիա է, որը բնորոշ է ռուսական ռեժիմին, որը փորձում է քողարկել Հայաստանին տրված պարտավորությունների ու խոստումների կրկնակի չկատարումը»։ Այս մասին ասել է Եվրամիության արտաքին քաղաքականության ծառայության ներկայացուցիչ Փիթեր Ստանոն՝ մեկնաբանելով Բորտնիկովի ելույթը Աստանայում ԱՊՀ երկրների անվտանգության մարմինների ղեկավարների հանդիպմանը։
Հիշեցնենք, որ Բորտնիկովը դիտորդական առաքելության անդամներին մեղադրել է Ռուսաստանի և Իրանի դեմ լրտեսության մեջ։ Նա նաեւ ասել է, որ Արեւմուտքը ցանկանում է ապակայունացնել Հարավային Կովկասը եւ այնտեղ ուղարկել ՆԱՏՕ-ի զորքեր։