Իսրայելի պաշտպանության բանակը Գազայի հատվածում սպանել է երեք մարտիկի, որոնցից մեկը կարող է լինել պաղեստինյան ՀԱՄԱՍ շարժման առաջնորդ Յահյա Սինվարը, հոկտեմբերի 17-ին հայտնել է Իսրայելի բանակի մամուլի ծառայությունը։
«Ներկա փուլում ահաբեկիչների ինքնությունը պարզված չէ։ Այն շենքում, որտեղ ոչնչացվել են ահաբեկիչները, պատանդների հետքեր չեն հայտնաբերվել»,- ասվում է զեկույցում։
Սիվարը 61 տարեկան է։ օգոստոսի 6-ից նա ղեկավարում էր ՀԱՄԱՍ-ի քաղբյուրոն, իսկ մինչ այդ կազմակերպության ռազմական թեւի ղեկավարն էր։ Այս պաշտոնում նա փոխարինեց հուլիսին Թեհրանում Իսրայելի հրթիռակոծության հետեւանքով զոհված Իսմայիլ Հանիեին։
The Times of Israel-ը գրում է, որ իսրայելական բանակը տեղեկություն է ստացել, որ Սինվարը թաքնվում է պատանդների մեջ։ Իսրայելական բանակը կրակ է բացել Գազայի հատվածի շենքերից մեկում գրոհայինների ուղղությամբ։ Զոհված մարտիկների ինքնությունը պարզելու նպատակով նրանց դիերը հանձնվել են դատաբժշկական փորձագետներին։
ՀԱՄԱՍ-ը դեռ չի մեկնաբանել Սինվարի հնարավոր սպանության մասին տեղեկությունը։