«Ես գոհ եմ ձեր երկրի և Հայաստանի կողմից ձեռք բերված շարունակական առաջընթացից՝ խաղաղ համաձայնագրի կնքման ուղղությամբ, որը կծառայի երկու երկրների միջև հարաբերությունների կարգավորմանը։ Ուզում եմ ձեզ վստահեցնել, որ Միացյալ Նահանգները պատրաստ է աջակցել Ադրբեջանի և Հայաստանի միջև կայուն և արժանապատիվ խաղաղության հասնելուն, որը վերջնականապես վերջ կդնի դարավոր հակամարտությանը»,- ասված է ԱՄՆ նախագահի նամակում։ Ջո Բայդենը հոկտեմբերի 21-ին ներկայացրել է Ադրբեջանի նախագահ Իլհամ Ալիեւին.
«Բացի Ադրբեջանի ինքնիշխանության և տարածքային ամբողջականության ապահովումից, խաղաղության համաձայնագիրը կվերափոխի ողջ տարածաշրջանը, կծառայի ավելի շատ առևտրի, ներդրումների և կապի Եվրոպայի և Կենտրոնական Ասիայի միջև:
Քանի որ աշխարհի ուշադրությունը բևեռվում է դեպի Բաքուն՝ COP29-ի համար, դուք անզուգական հնարավորություն ունեք ցույց տալու ձեր նվիրվածությունը խաղաղությանը համաշխարհային հանրությանը: Ինչպես գիտեք, խաղաղության համաձայնագրի չհամաձայնեցված կետերը վերջնական տեսքի բերելը կպահանջի կրեատիվություն և փոխզիջում երկու կողմերից։ Բայց վստահ եմ, որ դուք կշարունակեք օգտվել այս հնարավորությունից։ Ես ձեզ հրավիրում եմ համաձայնագիրը վերջնական տեսքի բերել այս տարի։
Ուզում եմ իմ հանձնառությունն արտահայտել՝ աջակցելու այս հարցին։ Իմ վարչակազմը պատրաստ է համարձակ նախաձեռնություններ ձեռնարկել խաղաղության ճանապարհ հարթելու համար։ Իմ հատուկ օգնական, Եվրոպայի գծով գլխավոր տնօրեն Մայքլ Քարփենթերը ցանկանում է ձեզ տեղեկացնել որոշ քայլերի մասին, որոնք մենք պատրաստ ենք ձեռնարկել և իմանալ ձեր դիրքորոշումը Հայաստանի հետ բանակցությունների վերաբերյալ։
Հուսով եմ՝ դուք կօգտվեք այս հնարավորությունից՝ տարածաշրջանի համար փոխադարձ բարգավաճման և ընդհանուր բարօրության նոր ուղի գծելու համար»,- ասված է ԱՄՆ նախագահի նամակում։
