«Մուսավաթ» կուսակցությունն անընդունելի է համարում անմեղ մարդկանց ձերբակալությունն ու հետապնդումը։
Այս մասին նոյեմբերի 4-ին հայտարարություն է տարածել այս կուսակցության դիվանը։
«Մուսավաթ» կուսակցությունը Ադրբեջանում ՄԱԿ-ի Կլիմայի փոփոխության շրջանակային կոնվենցիայի անդամ երկրների ամենամյա կլիմայական համաժողովի (COP29) անցկացումը համարում է աշխարհում և երկրում բնապահպանական խնդիրների լուծման գործում առաջընթացի հասնելու հնարավորություն։
«Միաժամանակ կուսակցությունը ցավով նշում է, որ այն պահին, երբ ամբողջ աշխարհի ուշադրությունը սեւեռված է Ադրբեջանի վրա, երկրի բանտերում կան բազմաթիվ քաղբանտարկյալներ, այդ թվում՝ բնապահպան ակտիվիստներ։ Տեղի իրավապահ կազմակերպությունները հայտնում են, որ նրանց թիվը 300-ից ավելի է»,- նշվում է փաստաթղթում։
«Մուսավաթ» կուսակցությունը պահանջում է COP29-ի նախօրեին ազատ արձակել բոլոր քաղբանտարկյալներին՝ հաշվի առնելով պետության շահերը։
