Վաղը Անկարայում տեղի կունենա Թուրքիայի և Ադրբեջանի միջև դիվանագիտական հարաբերությունների հաստատման 30-ամյակին նվիրված համաժողով:
«Ինտերֆաքս» լրատվական գործակալության փոխանցմամբ` միջոցառումը նախաձեռնել է «Ադրբեջանի միջազգային հարաբերությունների վերլուծությունների կենտրոնը»:
Համաժողովում Ադրբեջանը կներկայացնեն այդ կենտրոնի նախագահ Ֆարիդ Շաֆիևը, Անկարայում հավատարմագրված Ադրբեջանի դեսպան Ռաշադ Մամեդովը և պաշտոնատար այլ անձնինք:
Համաժողովի ընթացքում նախատեսված են պանելային քննարկումներ Ադրբեջանի և Թուրքիայի քաղաքական և ռազմական համագործակցության, էներգետիկայի և տրանսպորտային ու տնտեսական կապերի թեմաներով:
