Ռուսաստանը որոշել է այս տարի չմասնակցել Մյունխենի անվտանգության ամենամյա խորհրդաժողովին: Այդ մասին այսօր հայտնել է համաժողովի նախագահ Վոլֆգանք Իշինգերը:
«Մեծ ափսոսանքով պետք է տեղեկացնեմ, որ դատելով իմ ստացած վերջին տեղեկություններից, պարզ է դառնում, որ Ռուսաստանի կառավարությունն, ամենայն հավանականությամբ, պաշտոնական ներկայացուցիչ չի գործուղի Մյունխեն: Մենք պատրաստ ենք նրանց ընդունել, ամեն ինչ անում ենք, որ դա տեղի ունենա: Վաղը կանցլերն է մեկնում Մոսկվա, մենք կանենք ամեն ինչ, որ Մյունխենի հավաքին մասնակցի Ռուսատանի պաշտոնական ներկայացուցիչը»,- ասել է Իշինգերը:
Նրա խոսքով, Մոսկվան մերժել է համաժողովին նույնիսկ տեսակապով նախագահ Վլադիմիր Պուտինի մասնակցության հնարավորությունը:
Մյունխենի ամենամյա հավաքը հաճախ համեմատում են Դավոսի տնտեսական համաշխարհային ֆորումի հետ և անվանում են «անվտանգության Դավոս»: Մյունխենի համաժողովի կգումարվի փետրվարի 18-ին:
