Միացյալ Նահանգները պատրաստ է դիվանագիտության Ուկրաինայի հարցում, եթե Ռուսաստանը դուրս բերի զորքերը և նույնպես գնա բանակցությունների։ Այս մասին չորեքշաբթի օրը մամուլի ասուլիսում հայտարարել է ԱՄՆ պետքարտուղար Էնթոնի Բլինքենը։
«Եթե Ռուսաստանը դուրս բերի իր զորքերը և պատրաստ լինի բանակցել, մենք պատրաստ ենք անել նույնը», – ասել է պետքարտուղարը։
Բլինքենի խոսքով՝ ԱՄՆ-ը բաց է Ռուսաստանի հետ բանակցություններ վարելու տարբեր ոլորտներում, այդ թվում՝ անվտանգության, սակայն դիվանագիտության ճանապարհի համար անհրաժեշտ է Ուկրաինայում դեէսկալացիան։
