Ամերիկյան Կինոարվեստի ակադեմիան հրապարակել է «Օսկար»-ի 2022 թվականի մրցանակակիրների անունները։
94-րդ անգամ անցկացված հանդիսությունը տևել է մոտ երեք ժամ։
Միջոցառման կազմակերպիչները նաև մեկ րոպե լռություն են հայտարարել Ուկրաինայում պատերազմի հետ կապված: «Օսկար»-ի մրցանակաբաշխության ընդմիջման ժամանակ կազմակերպիչները ցուցադրել են մի քանի գովազդային հոլովակներ, որոնցից մեկում Ուկրաինային նվիրատվություններ անելու կոչ է եղել։
Հիմնական անվանակարգերում հաղթողների ցանկում են՝ լավագույն ֆիլմ՝ «CODA. Խուլ ծնողների երեխա», լավագույն ռեժիսոր՝ Ջեյն Քեմփիոն («Շան ուժը»), լավագույն դերասանուհի՝ Ջեսիկա Չեսթեյն («Թեմմի Ֆեյի աչքերը»), լավագույն դերասան՝ Ուիլ Սմիթ (Քինգ Ռիչարդ)։
