Արարատ Միրզոյանը նշանակվեց Հայաստանի արտաքին գործերի նախարար: Հրամանագիրը նախագահ Արմեն Սարգսյանը ստորագրել է այսօր՝ հիմք ընդունելով վարչապետ Նիկոլ Փաշինյանի առաջարկությունը:
Արարատ Միրզոյանը նախորդ` 7-րդ գումարման Ազգային ժողովի նախագահն էր:
Հայաստանի արտգործնախարարի պաշտոնը թափուր էր մայիսի վերջից, երբ Արա Այվազյանը հրաժարական ներկայացրեց:
Մինչ օրս արտաքին քաղաքական գերատեսչության ղեկավարի պարտականությունները կատարում էր հուլիսի կեսերին նախարարի առաջին տեղակալ նշանակված Արմեն Գրիգորյանը, ով ազատվել էր Անվտանգության խորհրդի քարտուղարի պաշտոնից:
Գրիգորյանը այսօր վարչապետի ստորագրած որոշմամբ վերստին նշանակվեց Անվտանգության խորհրդի քարտուղար:
