Գերմանիայի կանցլեր Անգելա Մերկելն այսօր մեկնում է Մոսկվա՝ հանդիպելու Ռուսաստանի նախագահ Վլադիմիր Պուտինի հետ:
Սա կլինի Մերկելի վերջին պաշտոնական այցը Ռուսաստան. նա կհեռանա քաղաքականությունից Գերմանիայում հաջորդ ամիս նախատեսված ընտրություններից հետո:
Մերկելն ու Պուտինը կքննարկեն երկկողմ հարաբերությունները, COVID-19 համաճարակը և միջազգային հարցեր, այդ թվում՝ իրավիճակը Աֆղանստանում, Ուկրաինայում, Բելառուսում, Սիրիայում:
Սպասվում է նաև, որ նրանք կքննարկեն «Հյուսիսային հոսք-2» գրեթե կառուցված խողովակաշարի հետ կապված հարցեր: Այն բնական գազը Ռուսաստանից Բալթիկ ծովով Գերմանիա է հասցնելու:
Հուլիսին Գերմանիան և Միացյալ Նահանգները համաձայնություն ձեռք բերեցին «Հյուսիսային հոսք-2» -ի վերաբերյալ ՝ վերջ դնելով դաշնակիցների միջև տարիների վեճին, խոստանալով աջակցել Ուկրաինային ու դիմակայել Ռուսաստանին, եթե Մոսկվան էներգետիկ հարցերն օգտագործի քաղաքական ճնշում գործադրելու համար:
Ռուսաստանից հետո Մերկելը օգոստոսի 22 -ին կմեկնի Ուկրաինա՝ նախագահ Վլադիմիր Զելենսկիի հետ բանակցությունների:
