Օգոստոսի 25-ին Արցախի Մարտակերտ քաղաքի Տերյան փողոցի մի բնակարանում հայտնաբերվել է Ադրբեջանի զինված ուժերի զինծառայող Ջամիլ Բաբաևը, հայտնում է Արցախի գլխավոր դատախազությունը։
Նույն օրը, ըստ տատախազության, վերջինս բերման է ենթարկվել Արցախի ազգային անվտանգության ծառայություն: Հարուցվել է քրեական գործ առերևույթ Արցախի պետական սահմանն ապօրինի հատելու, հիշյալ բնակարանի անչափահաս բնակիչներին սպանության սպառնալիք տալու և լրտեսության հատկանիշներով նախատեսված հանցավոր դեպքերի կապակցությամբ։
Բաբաևը ձերբակալվել է, կատարվում է հետաքննություն, ասված է հաղորդագրությունում։
