Հադրութի շրջանում այսօր իրականացված որոնողական աշխատանքների արդյունքում հայտնաբերել է ևս մեկ աճյուն, տեղեկացնում է Արցախի արտակարգ իրավիճակների ծառայությունը:
Նրա ինքնությունը կհաստատվի Հայաստանում դատաբժշկական փորձաքննությունից հետո:
Հիշեցնենք, որ զինադադարից հետո` անցած 10 ամիսների ընթացքում, Ադրբեջանի վերահսկողության տակ տարածքներում իրականացված որոնումների արդյունքում փրկարարական ջոկատները հայտնաբերել և տարհանել են ընդհանուր 1657 աճյուն, որոնց թվում նաև քաղաքացիական անձինք են:
