Հայաստանի մարդու իրավունքների պաշտպանը Հռոմի պապին է ներկայացրել հայկական կողմի գերիների նկատմամբ «ադրբեջանական խոշտանգումներն ու սահմանային բնակչության դեմ ադրբեջանական խախտումները», հայտնում է Պաշտպանի գրասենյակը:
Իտալիայում կաթողիկոսի հետ պետական այցի շրջանակներում գտնվող Արման Թաթոյանը Հռոմի պապի հետ կարճ զրույցի ընթացքում նշել է, որ հայ գերիների մի մասը կյանքի սպառնալիքի առաջ անօրինական պահվում է Ադրբեջանում, դրանց վերաբերող զեկույցներն է հանձնել սրբազան կաթոլիկ եկեղեցու առաջնորդին:
Հռոմի Ֆրանցիսկոս պապի հետ երեկ հանդիպում էր ունեցել Ամենայն Հայոց կաթողիկոսը` կրկին անդրադառնալով հայ գերիների վերադարձի հարցին:
Պատերազմից հետո Ադրբեջանը 109 գերի է վերադարձրել՝ զինծառայողներ և քաղաքացիական անձինք։ Հայկական կողմի ոչ պաշտոնական տվյալներով՝ այսօր Բաքվի բանտերում մի քանի տասնյակ հայ գերիներ են պահվում։
