Իտալական խոշորագույն ավիափոխադրող Alitalia-ն հինգշաբթի օրն իրականացրել է իր վերջին չվերթը, որից հետո պաշտոնապես դադարեցրել է գործունեությունը՝ սնանկացման գործընթացի շրջանակում։
Ընկերությունը ստեղծվել էր Երկրորդ համաշխարհային պատերազմի ավարտից անմիջապես հետո՝ դառնալով Իտալիայի խորհրդանիշներից մեկը։ Alitalia-ն տարիներ շարունակ համարվում էր ինքնաբավ, սակայն վերջին տասնամյակներին եկամուտները սկսեցին էականորեն կրճատվել, և համաճարակի ֆոնին որոշվեց սնանկ ճանաչել ընկերությունը:
Իտալիայի կառավարությունը մտադիր է շուրջ 1,5 միլիարդ եվրո ուղղել նոր ավիափոխադրող ընկերությանը:
