Ռումինիայի նախագահ Կլաուս Յոհաննիս կառավարության պաշտոնյաների մասնակցությամբ նիստ է հրավիրել՝ COVID-19 վարակի տարածումը նվազեցնելուն ուղղված «հստակ, սահմանափակող միջոցառումներ սահմանելու» համար:
Երկիրը վերջին օրերին ռեկորդներ է գրանցում՝ թե՛ վարակի նոր դեպքերի, թե՛ մահացության:
Յոհաննիսն ասել է, որ «իշխանությունների կոնկրետ գործողությունների բացակայությունը տագնապալի է», և իրավիճակն անվանել է «սարսափելի մասշտաբի ազգային ողբերգություն»:
Նախագահը հորդորել է ռումինացիներին պատվաստվել, դիմակ կրել, խուսափել մարդաշատ վայրերից և սոցիալական հեռավորություն պահպանել:
