Պեսկովը վստահ է՝ ՌԴ-ն և Վիետնամը շփումներ կհաստատեն Վիետնամում Sputnik V-ի արտադրության հարցով
03 Հունիս 2021
747
Ռուսաստանը և Վիետնամը շփումներ կունենան Վիետնամում կորոնավիրուսի դեմ ռուսական պատվաստանյութի արտադրության հարցով:
ТАСС գործակալության փոխանցմամբ՝ այս մասին ասել է ՌԴ նախագահի մամուլի քարտուղար Դմիտրի Պեսկովը: Նրա խոսքերով՝ Ուղիղ ներդրումների ռուսական հիմնադրամը «հետաքրքրված է այն երկրների հետ շփումներով», որոնք ցանկություն կհայտնեն իրենց մոտ արտադրել կորոնավիրուսի դեմ ռուսական պատվաստանյութ:
«Վստահ եմ, որ շփումներ են հաստատվում նաև վիետնամական կողմի հետ այն հարցի շուրջ, որպեսզի քննարկվի արտադրության մեկնարկի հեռանկարը»,- ասել է Պեսկովը, տեղեկացնում է Hayatsk.info-ն:
Ըստ Կրեմլի ներկայացուցչի՝ ուրբաթ օրը Սանկտ Պետերբուրգի միջազգային տնտեսական ֆորումի ընթացքում ՌԴ նախագահ Վլադիմիր Պուտինին կզեկուցեն այն երկրների մասին, որտեղ արդեն մեկնարկում է ռուսական պատվաստանյութերի արտադրությունը:
Hayatsk.info
Հեշթեգներ:
Աշխարհ
