ԱՄՆ նախագահ Ջո Բայդենն այսօր նշում է ծննդյան 79-ամյակը: Նախօրեին Բայդենը բժշկական ստուգման է ենթարկվել զինվորական հոսպիտալում: Դա պարտադիր տարեկան ստուգում է, որից, ըստ ԱՄՆ-ում գործող օրենքի, նախագահները չեն կարող հրաժարվել:
Բուժզննման ընթացքում փոխնախագահ Քամալա Հարիսը կարճ ժամանակով ստանձնել է նախագահի լիազորությունները: Այդպիսով, տեղի է ունեցել դարակազմիկ նշանակության իրադարձություն՝ առաջին անգամ ԱՄՆ պատմության ընթացքում առաջին կին-փոխնախագահը միառժամանակ կատարել է գերտերության ղեկավարի պարտականությունները:
Բուժզննումից հետո նրա բժիշկ դոկտոր Քևին Օ՝Քոննորն ասել է, որ «Բայդենն առողջ և կայտառ 78-ամյա տղամարդ է, ով միանգամայն ի զորու է աշխատել նախագահի պաշտոնում»:
