Առերևույթ հանցավոր 6 ընտրախախտման դեպք է արձանագրվել Լոռու մարզի խոշորացված համայնքների ՏԻՄ ընտրություններում, նախապատրաստվում են նյութեր, հաղորդում է Գլխավոր դատախազությունը:
Այսօր ՏԻՄ ընտրություններ են անցկացվել Լոռու մարզի 3 համայնքներում՝ Վանաձոր, Սպիտակ և Թումանյան:
Մասնավորապես, ստացված հաղորդումներից և ահազանգերից՝
· 4-ը վերաբերում են կրկնակի քվեարկության փորձին, որոնցից մեկն արձանագրվել է Թումանյան, 3-ը՝ Սպիտակ խոշորացված համայնքների ՏԻՄ համամասնական ընտրություններում,
· 1-ը՝ Սպիտակ խոշորացված համայնքի ընտրատեղամասերից մեկում ընտրողների քվեարկված քվեաթերթիկները պատռելու միջոցով ընտրական իրավունքի իրականացմանը խոչընդոտելուն,
· 1-ը՝ Սպիտակի խոշորացված համայնքի ընտրություններում անձի կողմից իր կատարած քվեարկությունը լուսանկարելու միջոցով առերևույթ քվեարկության գաղտնիությունը խախտելուն:
Մարզի դատախազության հանձնարարությամբ ընդհանուր 6 հաղորդումներից 5-ն ուղարկվել են նախաքննության մարմին, իսկ 1-ը՝ հետաքննության մարմին՝ նյութեր նախապատրաստելու նպատակով:
