ԱՄՆ-ը սկսել է պատասխանել հունվարի 28-ին սիրիա-հորդանանի սահմանին իր բազայի վրա հարձակմանը։ Վաշինգտոնը հայտարարել է, որ խոցել է 85 թիրախ Իրաքում և Սիրիայում։
Gununsesi.info ԱՄՆ կենտրոնական հրամանատարությունը (CENTCOM)՝ ի պատասխան բազայի վրա հարձակման, օդային հարվածներ է հասցրել Իրանի հեղափոխության պահապանների կորպուսի «Քուդս» ուժերին և հարակից աշխարհազորայիններին պատկանող թիրախներին Իրաքում և Սիրիայում։
CENTCOM-ի տարածած գրավոր հայտարարության մեջ ասվում է, որ օդային հարվածների արդյունքում խոցվել է առնվազն 85 թիրախ։
Հայտարարության մեջ նշվում է, որ հեռահար ռմբակոծիչները օդ են բարձրացել ԱՄՆ-ից, իսկ գրոհներում օգտագործվել է ավելի քան 125 կառավարվող ռումբ, խոցվել են հրամանատարական և կառավարման կենտրոններ, հրթիռներ և անօդաչու սարքեր։
ԱՄՆ նախագահ Ջոզեֆ Բայդենը հայտարարել է Մերձավոր Արևելքում Իսլամական հեղափոխության պահապանների կորպուսի (Սեպահ) և նրանց հարակից զինյալների դեմ ռազմական գործողություն սկսելու մասին։
Այս մասին ասվում է Սպիտակ տան կայքում հրապարակված տեղեկատվության մեջ։
«Այսօր կեսօրին, իմ ուղղորդմամբ, ամերիկյան ուժերը հարվածներ հասցրին Իրաքում և Սիրիայում գտնվող թիրախներին, որոնք օգտագործվում էին Սեպահի և նրա մասնաճյուղերի կողմից՝ ամերիկյան ուժերի վրա հարձակվելու համար: Մեր արձագանքը սկսվեց այսօր։ Սա կշարունակվի երբ ուզենք, որտեղ ուզենք»,- ասված է հայտարարության մեջ։
«Միացյալ Նահանգները հակամարտություն չի փնտրում Մերձավոր Արևելքում կամ աշխարհի որևէ տեղ: Բայց նրանք, ովքեր կարող են մեզ վնասել, թող իմանան, որ եթե դուք վնասեք ամերիկացուն, մենք կպատասխանենք»,- ասել է Բայդենը։
ԱՄՆ-ի պատասխանից հետո տեղեկություններ եղան Սիրիայից և Իրաքից հարձակումների մասին։
Հաղորդվել է, որ Իրանի կողմից աջակցվող խմբավորումները թիրախ են դարձել Սիրիայի արեւելքում գտնվող Դեյր էզ Զոր նահանգի Ալբուքամալ եւ Մայադին շրջաններում։
Հարձակման թիրախ են դարձել Այաշի պահեստները, Կուրիյե, Հերրի, Հայադարիյե, Բիշրի, Մեզար Ալի ֆերմաները, Ռահբե ամրոցը և Իրանի կողմից աջակցվող խմբավորումներին պատկանող 11 թիրախներ Ալբուքեմալի և Մեյադին շրջանների արդյունաբերական գոտում: Մեզար Ալի ֆերմայի վրա օդային հարձակման արդյունքում հայտնի է դարձել, որ կան բազմաթիվ զոհեր ու վիրավորներ։
Իրաքում Իրանի կողմից աջակցվող շիա զինյալների՝ Նուջաբա շարժման տարածած հայտարարության մեջ ասվում է, որ Անբար նահանգի Աքքաշաթ շրջանում գտնվող Հաշդ ալ-Շաաբիի զենքի պահեստը ենթարկվել է ԱՄՆ-ի հարձակմանը։
Հունվարի 28-ին Հորդանան-սիրիական սահմանին տեղակայված «Կուլե 22» ամերիկյան ռազմաբազայի վրա կամիկաձե անօդաչու թռչող սարքի հարձակման հետևանքով զոհվել է 3 և վիրավորվել ավելի քան 40 զինվոր։
Սա առաջին մահացու հարձակումն էր ԱՄՆ-ի ուժերի վրա այն բանից հետո, երբ հոկտեմբերի 7-ին սկսվեց Իսրայելի և ՀԱՄԱՍ-ի միջև պատերազմը, որը լարվածությունը բարձրացրեց Մերձավոր Արևելքում:
ԱՄՆ պաշտոնյաները, մասնավորապես Բայդենը, հայտարարել են, որ հարձակման պատասխանատվությունը կրում են Իրանի կողմից աջակցվող խմբավորումները, և որ հարձակմանը պատասխան կտրվի Միացյալ Նահանգների ընտրած ժամանակին և վայրին:
Իրանը հերքել է այն պնդումները, թե դա կապված է նշված հարձակման հետ և ասել, որ «տարածաշրջանի դիմադրության ուժերն իրենց որոշումներում և գործողություններում ցուցումներ չեն ստանում Իրանից»։
Վաշինգտոնի վարչակազմը հայտարարել է, որ կարծում է, որ հարձակումն իրականացրել է «Իրաքի իսլամական դիմադրություն» կազմակերպությունը:
Պաշտոնյաները ամերիկյան մամուլին տված հայտարարության մեջ նշել են, որ պատրաստվում են հարձակմանը պատասխանել «արշավի» տեսքով, որը կտևի շաբաթներ։
Gununsesi.info
