Ադրբեջանի այլընտրանքային արհմիությունների կոնֆեդերացիայի՝ «Աշխատավորների սեղան» բանտարկված անդամ Մոհյեդդին Օրուջովը առողջական խնդիրներ ունի։
Toplum TV-ն հայտնում է, որ այս մասին փետրվարի 26-ին «Թուրան» գործակալությանը հայտնել է նրա մայրը՝ Տարանա Օրուջովան։
Նա նշել է, որ 2023 թվականի հոկտեմբերին իր վարչական ձերբակալությունից հետո Մոհյեդդինին երկար ժամանակ պահել են դրսում, և նրա երիկամները մրսել են։ Ազատազրկման ժամանակ նրան չեն զննել, ուղղակի ցավազրկող են տվել։ Ազատվելուց հետո նա ստացել է ակտիվ բուժում, սակայն 2023 թվականին նրա բուժումը կրկին ընդհատվել է ձերբակալության պատճառով։
Օրուջովի մոր խոսքով՝ երիկամների ցավերն ավելացել են. Նրան հրաժարվում են հոսպիտալացնել։ Փաստաբանը վաղը կրկին կդիմի նրան հիվանդանոց տեղափոխելու համար։
Ակտիվիստը դժգոհում է նաև պահման պայմաններից. «18 հոգի պահվում է 4-5 հոգանոց խցում։ Նրանք հերթով քնում են»,- ասաց ակտիվիստի մայրը։
Նշենք, որ Մոհյեդդին Օրուջովը անցյալ տարվա դեկտեմբերին մեղադրվել է մեծ քանակությամբ թմրամիջոցների ապօրինի շրջանառության մեջ (Ադրբեջանի Քրեական օրենսգրքի 234.4.3 հոդված):
Ակտիվիստը հերքում է իրեն առաջադրված մեղադրանքները և նշում, որ իրեն ձերբակալել են քաղաքական պատվերով։ Մոհյեդդին Օրուջովը նաև բողոքել է, որ իր բանտարկության ընթացքում ենթարկվել է անմարդկային վերաբերմունքի։
