Ապրիլի 2-ին Բաքվի ծանր հանցագործությունների դատարանում ավարտվել է թմրամիջոցների գործով մեղադրվող արհմիութենական ակտիվիստ Այխան Իսրաֆիլովի գործով դատավարությունը։
Դատարանը նրան մեղավոր է ճանաչել Քրեական օրենսգրքի 234.1-1 հոդվածով (թմրամիջոցներ պահելը և տարածելը) և դատապարտել ազատազրկման 3 տարի ժամկետով։
Պաշտպանական կողմը միջնորդություն է ներկայացրել՝ վերանայել ոստիկանական բաժանմունքում տեսահսկման տեսախցիկների կադրերը, ինչպես նաև հարցաքննության կանչել Իսրաֆիլովի կողմից թմրանյութեր պահելու մասին հայտնած աղբյուրին։ Սակայն այս և այլ միջնորդությունները չեն բավարարվել։
Դատախազն առաջարկել է Իսրաֆիլովին 5 տարով ազատազրկել։
Փաստաբան Ֆարիզ Նամազլին իր վերջին խոսքում ասել է, որ Իսրաֆիլովի գործով հետաքննությունն իրականացվել է օրենքի խախտմամբ, ուստի նա դատարանում խնդրել է արդարացնել նրան։
Ինքը՝ Իսրաֆիլովը, ասել է, որ իրեն հետապնդում են արհմիության շրջանակներում իր գործունեության համար։ Պաշտպանական կողմը մտադիր է բողոքարկել դատավճիռը։
* Անկախ արհմիությունների կոնֆեդերացիայի խորհրդի անդամ Այխան Իսրաֆիլովը ձերբակալվել է 2023 թվականի օգոստոսին։ Իսրաֆիլովը կտրականապես հերքել է մեղադրանքը և իր ձերբակալությունը կապել սուրհանդակային ծառայության աշխատակիցների իրավունքները պաշտպանելու իր հասարակական գործունեության հետ։
