Ղազախստանի իշխանությունները միջնորդ չեն հանդես գալու Ադրբեջանի և Հայաստանի արտգործնախարարներ Ջեյհուն Բայրամովի և Արարատ Միրզոյանի՝ Ալմաթիում կայանալիք հանդիպման բանակցություններում։ Այս մասին հայտարարել է Ղազախստանի արտաքին գործերի նախարարության պաշտոնական ներկայացուցիչ Այբեկ Սմադիարովը։
«Նման բանակցություններ նախատեսվում են Ալմաթիում։ Ներկայումս մենք կապի մեջ ենք Ադրբեջանի և Հայաստանի մեր գործընկերների հետ։ Հետագա բանակցությունները ընթանալու են միայն կողմերի միջև։ Կցանկանայի նշել, որ խոսքը Աստանայի միջնորդության մասին չէ, մենք պարզապես տրամադրում ենք բարի կամքի ծառայություններ, որոնք կոչվում են բարի գրասենյակներ», – ասել է Սմեդյարովը։
