Բաքվի քաղաքային գործադիր իշխանությունը կրկին մերժել է Ժողովրդավարական ուժերի ազգային խորհրդի խնդրանքը՝ մայիսի 5-ին բողոքի ակցիա անցկացնելու վերաբերյալ։ Այս մասին Turan-ին հայտնել է Ժողովրդավարական ուժերի ազգային խորհրդի ղեկավար Ջամիլ Հասանլին։
Քաղաքապետարանի որոշումը նա գնահատեց որպես ազատ հավաքների ազատության սահմանափակման հաջորդ քայլ։
«Թվում է, թե իշխանությունները ցանկանում են հանրահավաքների արգելումը վերածել մշտական գործընթացի»,- ասել է Հասանլին։ Ժողովրդավարական ուժերի ազգային խորհուրդը խորհրդակցություններից հետո կհայտարարի իր հետագա քայլերի մասին։
Նշենք, որ մինչ այս Բաքվի ղեկավարությունը հրաժարվել էր թույլ տալ ընդդիմության կողմից ապրիլի 21-ին նախատեսված հանրահավաքը։ Դրանից հետո Ազգային խորհուրդը նոր ակցիա է նշանակել մայիսի 5-ի համար։
Ընդդիմությունը նախատեսում էր հանրահավաք անցկացնել քաղբանտարկյալների ազատ արձակման, ընտրական բարեփոխումների իրականացման, բնակչության սոցիալական վիճակի բարելավման, ցամաքային սահմանների բացման և ռուսական զորքերի դուրսբերման պահանջով Ադրբեջանից։
