Հայաստանի պաշտպանության նախարարության տեղեկացմաբ` ադրբեջանական ԶՈւ ստորաբաժանումները հուլիսի 31-ին` ժամը 18:10-ից մինչև 18:50-ը, տարբեր տրամաչափի հրաձգային զինատեսակներով կրակ են բացել հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ:
Մասնավորապես, ըստ ՊՆ-ի, թիրախային կրակ է արձակվել թիկունքային ապահովման (սնունդ տեղափոխող) մեքենայի վրա` լրջորեն վնասելով այն:
«Հայ դիրքապահների պատասխան գործողություններից հետո հակառակորդի կրակը լռեցվել է: Հայկական կողմից տուժածներ չկան:
Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո», – հաղորդում է ռազմական գերատեսչությունը։
